Борисов: Голем чекор ќе биде градење на гасна врска меѓу Бугарија и Турција

Добивај вести на Viber

Бугарија и Турција имаат заедничко разбирање дека развојот на природно гасна инфраструктура, која ќе опфаќа повеќе држави на Балканот и во Европа, ќе обезбеди поголема енергетска безбедност на континентот. 

Околу ова мислење се здружија премиерите на двете земји, Бојко Борисов и Бинали Јилдирим, кои одржаа средба во рамките на 22-от Светски нафтен конгрес во Истанбул, пренесуваат медиумите од Бугарија. 

Тие посочиле дека добрите политички и економски врски меѓу Бугарија и Турција, како и нивната географска положба го дефинираат значењето на билатералната соработка во енергетската сфера за транзит на енергетски ресурси, соопштија од владината прес служба на Бугарија.

Борисов истакнал дека голем чекор напред во овој поглед би имало изградбата на меѓусистемна гасна врска меѓу Бугарија и Турција. Тојја истакна и поддршката на бугарската страна за развојот на Јужниот гасен коридор. 

„Една од земјите со клучна улога за неговата изградба е токму Турција. Ја поврдивме нашата поддршка и многу активно ќе работиме за неговото спроведување“, изјавил премиерот на нашиот сосед,  Борисов. 

Претходно денеска Борисов и Јилдирим разговарале неформално во маргините на Светскиот нафтен конгрес.