БПЦ да стане црква мајка на МПЦ - бараат интелектуалците
Објавено во: Македонија 21 Ноември, 2017
Интелектуалци, истакнати личности, академци, новинари и потомци на семејства од Македонија ја повикуваат Бугарската православна црква да се прогласи за црква мајка на Македонската православна црква.
„Христијаните од секогаш верувале дека Бог никогаш нема да ни даде да носиме крст, чија тежина не можеме да ја поднесеме. Очигледно ова што се случува е Божја промисла и доказ дека Бугарската патријаршија има потенцијал и достоинство прва да ја признае канонската самостојност на Македонската архиепископија и да ја воведе во заедничкото православно семејство“- наведуваат во писмото.
Писмото кое го објави Агенцијата БГНЕС е адресирано до бугарскиот патријарх Неофит и до Светиот синод на БПЦ, а ќе се собираат и потписи на државно ниво.
Како причина наведуваат дека за време на Втората светска војна во црковните односи Македонија е администрирана од Бугарската егзархија како и дека бугарскиот клер е последната црковна хиерархија која била во Македонија до создавањето на Македонската архиепископија.