БРЕГЗИТ Е КРИВ: На Британците им се рушат соништата, „љубовта“ станува прескапа
Објавено во: Свет 27 Мај, 2017
Откако го изгласаа Брегзит, Британците помалку купуваат куќи во Шпанија, нивната омилена дестинација.
Колин Смит сака да купи куќа на сончевиот брег, додека не заврши целиот процес на Брегзит.
Инжинерот од Лондон ги погледнал понудите долж медитеранскиот брег. Таму некогаш со задоволство ги дочекувале британските нови соседи. Тогаш Британија реши да ја напушти ЕУ, и фунтата падна 11 отсто и ги урна надежта и можностите за планови, купување и одмор.
Во првиот квартал на годината, податоците покажуваат дека процентот на купување недвижнина во Шпанија од Британци паднал на рекордно ниско ниво.
Освен тоа, Британците се грижат и што ќе промени Брегзит кога се работи за пристапот на здравствена нега, но и воопшто правото да престојуваат во Шпанија.
Британците речиси го преполовија купувањето недвижнини во таа земја, а процентот и натаму е климав.
„Јасно е дека Брегзит има значајно влијание на однесувањето на британските купувачи во Шпанија. Побарувачката нагло паѓа“, покажуваат извештаите од шпанскиот регистар.
Во агенциите за недвижнини и понатаму се оптимисти:
„Љубовта кон Шпанија и понатаму трае, но ќе стане поскапа“, вели Марк Стуклин, агент за недвижнини.