Британија во загуби поради снежните врнежи

Добивај вести на Viber

Штета од над 400 милиони фунти снежните врнежи секојдневно и нанесуваат на британската економија, а во износот се вклучени само загубите од неодењето на вработените на работните места, соопшти британската телевизија Sky News, цитирана од ИТАР-ТАСС. Во изминатите неколку дена околу 33% од сите вработени поради снегот секојдневно не успеваат да стигнат до својата канцеларија или претпријатие. Вкупниот износ на штетите за британската економија допрва треба да биде пресметан од специјалисти. Од Sky News сепак забележуваат дека оваа снежна и студена зима не е најтешкиот климатски тест за економијата на Велика Британија во последните неколку години. Во 2010 година поради слично лошо време до своите работни места не успеаја да дојдат околу 44% од Британците, а секојдневните штети беа проценети на 690 милиони фунти. Се очекува во текот на оваа недела просечната температура во земјата да достигне 14 степени целзиусови. Но, тоа може да создаде дополнителни проблеми, бидејќи толку нагло затоплување се заканува со сериозни поплави. Според британската агенција за животна средина  во многу области на британските острови постои веројатност од поплави, додека пак се испратени околу 100 предупредувања. Во Лондон се одржува топло и јасно време, температурата не паѓа под 7 степени, а паднатиот снег речиси се стопил.