Британски пожарникари под истрага, трошеле некотролирано

Добивај вести на Viber

Во тешки времиња за британската економија, во кои непрекинато се говори за економско штедење, британските противпожарни служби потрошиле стотици илјади фунти за непродуктивни трошоци, објави Дејли телеграф. Се очекува во врска со тие наводи британската Влада денеска да изврши анализа на работата и најмногу на раководството на противпожарните и спасувачки служби во државата. Според весникот, противпожарната служба во Мидлендс потрошила над еден милион фунти за нов информатички систем и за консултантски услуги. Истата служба потрошила 120 илјади фунти за кетеринг и средби со гости. Сто илјади фунти потрошиле за списанија и за оспособување на информациски центри. За хотели, конференции и туристички фирми, биле потрошени 27 илјади фунти, а 30 илјади фунти за спорт и фитнес. Противпожарната служба во Мерсисајд потрошила околу 120 илјади фунти за консултантски фирми и 22 илјади фунти за анкета на јавно ммислење. Вкупно 14 илјади фунти биле потрошени на кетеринг. Во Западен Јоркшир противпожарните служби потрошиле за изминатите пет години 1,2 милиони фунти за автомобили на лизинг и над 35 илјади фунти за автомобили за шефовите.