Британскиот амбасадор: Никој не смее да стои на патот на СЈО
Објавено во: Македонија 20 Октомври, 2016
Британскиот амбасадор во Македонија, Чарлс Гарет пред еден час ја искоментира актуелната ситуација со Специјалното јавно обвинителство и со опструкциите кои ги вршат од Управата за безбедност и контра разузнавање.
„Како одговор на новинарски прашања за последните случувања, би рекол дека нема да коментирам специфични детали од истрагата. Но ќе нагласам колку е значајна работата на Специјалното обвинителство. На нив им е доверена тешката задача да водат истрага за сите наводи од прислушуваните матријали и да установат дали има прашања на кои треба да се добие одговор“, вели британскиот амбасадор.
„СЈО беше договорено од сите четири лидери на главните политички партии и доби едногласна поддршка во Парламентот. Така што никој не треба да стои на патот на оваа значајна работа - затоа што доколку не постои соодветна истрага, не може да има одржливо решение на политичката криза“, смета Гарет.