Брнабиќ го поканила Заев да ја посети Србија во ноември
Објавено во: Македонија, Балкан 26 Август, 2017
Српската премиерка, Ана Брбабиќ денеска во Драч изјави дека го поканила македонскиот премиер, Зоран Заев да ја посети Србија во ноември годинава, јави известувачот на МИА.
„Неговата посета ќе ја искористиме за договор за заедничка седница на двете влади“- изјави Брнабиќ.
На новинарско прашање дали ветувањето за неутралност во однос на прашањето за влез на Косово во УНЕСКО било разговарано со Заев, Брнабиќ кажа дека разговарале и за тоа и дека се на иста линија, како и дека на Македонија и е многу важно пријателството со Србија и тоа прашање да не се отвора.