Бродот „Мис Стон“ се дислоцира од каналот Студенчишта

Добивај вести на Viber

Откако од потонатиот брод „Мис Стон“ вчера во каналот Студенчишта се излеаја 10 до 20 литри нафта, денеска локалните власти преземаа активности за негово отстранување. 

Нафтените деривати во каналот по третирањето со специјални средства за разградување се неутрализирани, а од надлежниот инспекторат и од Охридската капетанија најавија поренување соодветна постапка против сопственикот на бродот.

„Изворот, односно брод со помали димензии кој што одамна не се користи, сопствениците биле некаде во странство, дошло до навлегување на вода по игра на случајот и бродот потонал и вода навлегла во резервоарот и се илеала количина на нафта“- изјави Горан Устијаноски, капетан на Охридската капетанија.

Од локалната самоуправа најавија отстранување на овој, но и сите други пловни објекти кои претставуваат опасност по животната средина.

„Во секој момент очекуваме да дојде уште еден брод. Ние како локална самоуправа од ЈП „Нискоградба“ донесовме црпни пумпи кои ќе ја исцрпат водата од бродот и тој ќе биде дислоциран од каналот“- рече Томе Џамтоски- портпарол на општина Охрид.

Против сопственикот на бродот ќе има соодветна постапка.