Бугарија ќе ја зголемува цената за еднодневни вињетки за камиони
Објавено во: Балкан 20 Јули, 2017
Регионалното Министерство на соседна Бугарија размислува да ја зголеми од 1 јануари 2018 година цената на еднодневни вињети за тешките возила. Целта е да се зголемат приходите од камиони кои поминуваат низ земјата и во моментов плаќаат премногу ниска винетна такса од само 21 лев, соопштил ресорниот министер Николај Нанков, пишуваат бугарските медиуми.
Статистиката на министерството покажува дека за изминатата година продадените винетни налепници од Агенција „Патна инфрактруктура“ се 6 813 455 парчиња, со вкупно наплатена вредност од 326 милиони лева како приходи.
Извештајот на бројките покажува дека најголем е приходот од годишни вињети за автомобили, кој изнесува 177.2 милиони левови. Следниот по големина приход е од неделните вињети за автомобили во износ 41.3 милиони левови. Дури после нив се наоѓаат вињети за тешки товарни возила, а во 2016 година, бројот на продадените од овој тип вињети е малку над 1 милион.
Бугарија е земја со најевтина такса на транзитно тешки товарни возила. Транзитниот сообраќај ќе плаќа во државниот буџет такси за користење споредливи со другите земји соодветно за амортизираност на инфраструктурата.