Добивај вести на Viber
“ЕВН Бугарија Електродистрибуција“ е во минус од 80,3 милиони лева ( 40, 1 милион евра), за периодот од јули до септември годинава, пишуваат бугарските медиуми. Компанијата соопштила дека причините за загубата се поради обврската да купуваат струја од обновливи извори на енергија по повластени цени. Досега компанијата немала загуби од оваа дејност бидејќи Националната електрична компанија (НЕК) ги распределуваше овие пари целосно на електродистрибутивните компании, што пак доведе до загуби на НЕК од 150 милиони лева (75 милиони евра) во 2011 година.
Поради тоа Државната комисија за енергетско и водно регулирање одреди нова методологија за надоместување на трошоците за купување зелена енергија. На овој начин, освен НЕК, ЕРП исто така беа обврзани да ги покриваат трошоците за преференцијални тарифи на зелената енергија. ЕВН алармира уште во август дека поради новата методологија недостатокот од парични средства ќе продолжи да расте, што ќе доведе до сериозни потешкотии за компанијата да ги извршува своите обврски