Бугарската православна црква има шанса да стане црква-мајка на Македонската православна црква
Објавено во: Македонија 19 Ноември, 2017
Македонската православна црква (МПЦ) сака да биде признаена од Бугарската православна црква (БПЦ).
Бугарија и Македонија имаат заедничка религиозна историја и Бугарската православна црква има шанса да стане црква-мајка на македонската со самото нејзино признавање.
Ова беше кажано пред бТВ од Митрополитот Наум во Струмица. Автоефалноста на МПЦ сè уште не е признаена од политички причини, додаде тој.
„Испративме писмо до Светиот Синод на БПЦ, каде да се дискутира прашањето со признавањето на Македонската православна црква - Охридска архиепископија од Бугарската православна црква.
Чекаме одговор од бугарскиот Синод. Сметаме дека од политички причини не е признаена автокефалноста на МПЦ. БПЦ има шанса со самото признавање на МПЦ да стане мајка на МПЦ. Ова е ретка историска шанса која БПЦ не треба да ја пропушти“, рече Митрополитот Наум.
Тој истакна дека Република Македонија и Бугарија имаат заедничка религиозна историја.
„Бевме дел од Бугарската егзархија. Луѓето тогаш / во крајот на XIX - почетокот на XX век - биле поделени меѓу Егзархијата и Цариградската патријаршија, но повеќето биле егзархисти“, потсети митрополит Наум. Тој го истакна големото значење на договорот за добрососедство меѓу Република Македонија и Бугарија, кој беше потпишан на 1 август 2017 година од страна на премиерите на двете земји Зоран Заев и Бојко Борисов, за развојот на билатералните односи, вклучувајќи го и договорот за црковниот дијалог.
Во исто време митрополит Наум изрази жалење дека она што политичарите го направиле, не било сторено веќе од архиереите. „Црковните водачи мораа претходно да бидат политичари“, рече тој.