Бугарски „Фокус“ - Петровски целото семејство го снабди со бугарски пасоши
Објавено во: Македонија 24 Јули, 2017
Бугарската информативна агенција „Фокус“ тврди дека политичарот Филип Петровски кој е еден од најжестоките критичари на постигнатиот како што вели таен договор меѓу Македонија и Бугарија за добрососедство, всушност целото семејство го снабдил со бугарски пасоши.
„Филип Петровски, по потекло од Куманово, е познат како особено близок на фамилијата Груевски, иако веќе успеал да ги снабди најблиските со бугарски пасоши. Таткото на еден од најактивните борци против бугарско-македонските односи Тихомир Петровски доби бугарски пасош во 2011 година. Мајка му Маринела Петровска го доби пасошот во 2006 година, а брат му Марко Петровски во 2015 година“, пишува бугарски „Фокус“.
Во вчерашното интервју за „Алфа“, поранешниот директор на Државниот архив кажа дека потпишувањето на Договорот за добрососедство со Бугарија е увертира во промената на името. Тој тврди дека СДСМ е инсталирана во Владата со цел да го уништи македонскиот идентитет.