Добивај вести на Viber
Пораснаа цените на храната на глобалниот пазар, покажува извештајот на Cветска банка. Откако беа во пад, три последователни квартали, цените на храната пораснаа во мај и во јуни и се прибижлија на историскиот максимум.
Некои земји со висока стапка на сиромаштија и ниски мрежа на заштита, на оваа хронична нестабилност ќе одговорат со соодветно зголемување на субвенциите за храна, но тоа е често контрапродуктивно, се констатира во извештајот на Светска Банка.
- Лошо дизајнираните програми за субвенционирање на храната, недостигот на транспарентност и одговорност во спроведувањето не им користат на сиромашните. Овие програми може да бидат многу скапи и подлежни на корупција и на нив се трошат и така малите фискални ресурси на сиромашните земји – вели заменик претседателот задолжен за намалување на сиромаштијата на СБ, Хајм Саверда.
Затоа, вели тој, потребни се реформи на овие програми за субвенционирање.
Моменталните цени на пченицата покажуваат дека светското производство оваа година се опорави од ланскиот пад. Цените на оризот се во скромен пад кој се должи на поголем број фактори, наведува Светска банка. На оваа цена влијаеше добрата жетва во Тајланд и Виетнам, која ја пополни зголемената побарувачка и намалените резерви во Индија, Пакистан, САД и во Јужна Америка.