Цените на нафтата „замрзнати“ на пазарите - за колку се продава?
Објавено во: Економија 09 Февруари, 2017
Цените на нафтата се задржаа вчера на меѓународните пазари под 55 долари.
Тие се „замрзнати“ од големиот скок на резерви на сурова нафта во САД и кризата на кинеската побарувачка.
На лондонската берза цената на барел нафта остана скоро иста во однос на претходното затворање и изнесуваше 54,81 долари.
На американскиот пазар, барелот се тргуваше по 40 центи пониска цена, од 51,77 долари.
Цените на нафтата потонаа во електронската трговија по затворањето на пазарот откако неделниот извештај на Американскиот институт за нафта покажа скок на резервите на сурова нафта за дури 14,2 милиони барели.
Аналитичарите очекуваа значително поскромен пад, за 2,5 милиони барели.
Дополнителен притисок на цените направија најавите за забавување на побарувачката од Кина.
Reuters, врз основа на официјални податоци, пресметал дека лани кинеската побарувачка пораснала 2,5%, најмалку во последните три години. При тоа, најмногу е намалена потрошувачката на дизелот, додека потрошувачката на бензин повеќе не бележи двоцифрени стапки на раст.
ОПЕК објави дека цената на барелот на референтната кошничка на неговата нафта во вторник изнесувала 52,78 долари. Тоа значи дека паднала 99 центи во однос на претходниот ден.
Цените на нафтата во вторник не се менуваа на меѓународните берзи, бидејќи намаленото снабдување од Организацијата на земји извознички на нафта(ОПЕК) го придуши влијанието врз засиленото американско производство.Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
