Цените на Октоберфест драстично зголемени
Објавено во: Економија 16 Септември, 2017
Октоберфест е еден од најславните фестивали на пивото во Европа кој веќе 184 години се одржува во Минхен и низ цела Баварија, но посетителите, особено странските туристи можеби ќе се разочараат од астрономските цени.
И оваа година организаторите решија повторно да ги зголемат цените, па така една кригла пиво во просек чини околу 10 евра. Друга грижа ќе биде и безбедноста, па така годинава ќе има голем број на поставени камери кои ќе ги следат посетителите и туристите, како и нов систем за разглас кој ќе служи како водич.
Според традицијата, точно на пладне градоначалникот на баварската престолнина Дитер Рајтер го заби чепот на првото буре со специјален чекан и зборовите „О’цапфт ис“ ( „отворено е“), означувајќи го почетокот на празнувањето.