Црна Гора воведува доброволна воена служба
Објавено во: Балкан 03 Декември, 2016
Големиот интерес на младите е една од главните причини за враќање на оваa граѓанскa обврска.
Доброволнаta воена служба ќе биде воведенa повторно во Црна Гора во 2019 година, пренесоа светските агенции. Во соопштението на црногорското Министерство за одбрана се вели дека големиот интерес на младите е една од главните причини за враќање на војската.
Војската ќе биде воведена 13 години откако беше укината во земјата.
Истражувањето на Атлантскиот сојуз на Црна Гора покажа дека повеќе од половина од младите испитаници би служеле воен рок.
На примерок на лица до 25 години, 55% се изјасниле потврдно на прашање дали се подготвени доброволно да служат воен рок.
Михаило Волков од црногорското Министерство за одбрана изјави денеска дека долгорочниот план за развој на одбраната предвидува воведување доброволно служење војска. Тој владин ресор е дотогаш должен да обезбеди законски рамки и финансиски предуслови за реализирање на проектот.