21 Ноември, 2017
0.4313
    ADIN 540    -1.82%     ALK 7350    -0.51%     BESK 10300    0%     CEVI 912    0%     FERS 57750    -2.94%     GRNT 801    -2.95%     KJUBI 1400    -2.78%     KMB 2700    0%     LOTO 600    0%     MPT 26900    -0.37%     MTUR 4224    3%     OHB 4851.54    -0.17%     REPL 54800    0.37%     RMDEN11 96    -0.62%     RMDEN13 96.4    1.47%     RMDEN15 95    0.05%     STBP 600    -0.17%     TETE 1938    4.76%     TNB 13500    -0.01%     TTK 816    0.38%     UNI 1905    0%     ZPKO 2600    -2%

По остварените приходи од продажба „Макпетрол“ влегува и во конкуренција на петте најголеми ланци на супермаркети за малопродажба

Дали 40 отсто од профитот на „Макпетрол“ е од продажба на сладоледи, смоки, чоколади?

Објавено во: Анализа 13 Јули, 2017

„Макпетрол“ има раст на маржата од стоките за широка потрошувачка за 19 отсто во однос на 2015 година. Растот на приходи изнесува 15 отсто и тие лани достигнаа 24 милиони евра. Можно ли е профитот од овие стоки да биде 40 отсто од целиот профит на „Макпетрол“ лани?

„Макпетрол“ лани остварил 24 милиони евра приходи од продажба на сладоледи, чоколади, смоки, сендивчи, ароматизери, грицки и други производи од малопродажба кои ги продава на своите 140 бензински станици ширум земјава. Неговите приходи од продажба на овие стоки лани во однос на 2015 година пораснале за 15 отсто, а маржата е зголемена за 19 отсто односно за една петина повеќе од профитот од продажба на овие стоки што го оствариле во 2015 година. За профитот што „Макпетрол“ го остварува од продажбата на овие стоки на своите бензински пумпи нема издвоен официјален податок во годишниот извештај на компанијата. 

Единствено што може да се најде како податок е тоа дека компанијата има раст на продажбата на овие стоки за 15 отсто и раст на маржата од продажбата за 19 отсто лани во споредна со 2015. При тоа приходите од продажба на стоки за широка потрошувачка лани се 9 отсто од приходите од продажба на „Макпетрол“, а во 2015 година биле неполни 7 отсто. 

Приходите од продажба на деривати се 240,5 милиони евра.  Доколку се земе за релевантен параметарот дека просечната маржа е 10 отсто од приходот на стоките за широка потрошувачка во тој случај добивката на „Макпетрол“ од малопродажбата на овие стоки би била околу 2,4 милиони евра, а веројатно е дека е повисока од тој износ. Вкупната нето добивка на „Макпетрол“ е околу 6 милиони евра. Доколку проценката за висината на маржата е соодветна тогаш профитот од продажба на овие стоки за широка потрошувачка учествува во профитот на „Макпетрол“ достигнува и 40 отсто од целата добивка.

„Макпетрол“ јако конкурира на големите ланци супермаркети!

По остварените приходи од продажба „Макпетрол“ влегува и во конкуренција на петте најголеми ланци на супермаркети за малопродажба кои „Фактор.мк“ ги објави пред еден месец. Линкот од рангирањето на најголемите малопродажни ланци за стоки од широка потрошувачка може да ги превземете на следниот линк.

Според официјалните податоци „Макпетрол“ според остварените приходи од продажба на стоки за широка потрошувачка на своите бензински пумпи дури и е подобро рангиран од шестопласираниот „Рептил маркет“. Доколку го имаме податокот за профитот само од овие стоки тогаш би можеле да го споредиме „Макпетрол“ и со добивките што ги прават „КАМ“, „Тинекс“, „Веро“, „Стокомак“ и другите супермаркети.

Како што и досега „Фактор.мк“ пишуваше прометот од овие стоки е значајна приходна ставка за „Макпетрол“ и со тек на време станува се позначајна. Освен што е значајна ставка овие приходи се и значаен генератор на профитот особено заради тоа што за нив „Макпетрол“ нема расходи во смисла на трошокот за вработени кои се ангажирани за точење деривати, а во исто време и продаваат стоки за широка потрошувачка од бензинските пумпи.

„Макпетрол“ лани продал помалку деривати и остварил помал приход од ниван продажба

Податоците од годишниот извештај на „Макпетрол“ покажуваат дека компанијата лани продала 288.930 тони деривати и тоа е за 8 отсто помалку од 2015 година. Најзначаен раст на продажбата во количества „Макпетрол“ бележи само кај автоплинот и тоа за 8 отсто повеќе во однос на 2015 година и кај млазното гориво. Минимален раст има и кај продажбата на бензините. Мал пад има кај продажбата на дизел горивата, а голем пад има кај продажбата на мазут.

Можеби ќе ве интересира

Заев ги игра сите соседи, дали крешендото е решавање на спорот со Грција?

Заев ги игра сите соседи, дали крешендото е решавање на спорот со Грција?

Ќе влезе ли Јовевски во пакет со новите министри во Собрание?

Ќе влезе ли Јовевски во пакет со новите министри во Собрание?

Супер што Владата обезбеди инкубатори, но зошто киксна со самофалбите?

Супер што Владата обезбеди инкубатори, но зошто киксна со самофалбите?