Дали Арапите го наведоа Трамп да го признае Ерусалим?

Добивај вести на Viber

Корисниците на социјалните мрежи велат дека Арапите го наведоа американскиот претседател Доналд Трамп да го признае Ерусалим за главниот град на Израел.

Откако Трамп одлучи да ги игнорира предупредувањата на меѓународната заедница и официјално да го признае Ерусалим како главен град на Израел, некои корисници на Твитер се фокусираа на фактот дека Арапите придонесоа за губење на Ерусалим.

Статусот на светиот град е исклучително чувствителен аспект на израелско-палестинскиот конфликт.

Додека Израел го бара целиот град за својот главен град, по окупацијата на Источен Ерусалим во војната во 1967 година против Сирија, Египет и Јордан - Палестинците веќе долго време гледаат на Источен Ерусалим како главен град на нивната идна држава.

„Ерусалим е изгубен од денот кога Садат го посети и од денот кога сите танцуваа за Осло"- напиша Мурид Барготи, познатиот палестински поет и писател, мислејќи на египетскиот претседател Анвар ал Садат и договорите од Осло.

Кога Садат стана претседател на Египет во 1970 година, тој предложи мировен договор со Израел. 

Што се однесува до Договорот од Осло, државата Израел и Палестинската организација  (ПЛО) официјално се признаваа меѓу себе и се посветија на преговорите за решавање на нивниот децениски проблем  заснован на територијален компромис.

Договорот не е одреден, туку имплицира создавање на палестинска држава покрај Израел. Оваа двонационална визија бараше од Израел да се откаже од своето одбивање на палестинските барања за национална сувереност, Палестинците да прифатат дека таквите барања ќе бидат ограничени само на мал дел од целокупната територија на историската Палестина, за која ПЛО се бореше, т.е да ја признаат израелската сувереност  на остатокот од територијата.