Дали НАТО ќе се приклучи на коалицијата за борба против ИСИС?
Објавено во: Свет 18 Мај, 2017
НАТО би требало да го разгледа полноправното членство во меѓународната коалиција против групата „Исламска држава„.
Оваа порака ја испратија шефовите од организацијата една недела пред самитот на лидерите на Алијансата во Брисел.
Соединетите Американски Држави, кои ја водат коалицијата од 2014 година и изведуваат воздушни напади врз ИСИС во Ирак и во Сирија, веќе долго време го поттикнуваат НАТИ да им се приклучи. Секоја од 28-те земји членки на НАТО е и поединечна членка на коалицијата. НАТО, каде што одлуките се донесуваат едногласно, досега одбиваше да се приклучи на коалицијата за да се одбегне сликата на западњаците обединети против арапските земји и организации. Одговорот ќе се знае на 25 мај.
По преземањето на функцијата, американскиот претседател Доналд Трамп, кој НАТО го нарекуваше „застарен“, од своите сојузници бара поголеми напори во борбата против тероризмот.
Минатата недела германската канцеларка, Ангела Меркел беше поотворена кон таа идеја на средбата во Берлин со генералниот секретар на НАТО, Јенс Столтенберг.
Столтенберг повеќе пати изјави дека обуката на локалните сили е најдобар начин со кој НАТО може да обезбеди помош за земјите кои се борат против тероризмот.