Дали по Македонија, албанска платформа ќе има и во Србија?
Објавено во: Балкан 06 Март, 2017
По Македонија, и во Србија Албанците подготвуваат платформа, наведува Спутник.
Уставот на Албанија вели дека сите права на Албанците треба да ги брани државата Албанија, вели за Спутник, Јонуз Муслиу, претседател на националниот совет на Албанците.
Тој ова го изјавил по повод посетата на албанскиот претседател на југот на Србија.
Албанската „офанзива“ пристигнува и на југот на Србија и тоа во облик на посета на Бујар Нишани, претседателот на Албанија кој на 7 март планира да ги посети Бујановац и Прешево, пишува Спутник.
Ова е прва посета на албански шеф на држава на Србија по 69 години. Претходниот претседател на Албанија во Србија бил Енвер Хоџа во 1948 година.
Дали посетата на Нишани на југот на Србија е само дел од дипломатската офанзива на Албанците или може по неговата посета да се очекува некоја нова „тиранска платформа“ за Србија, прашува Спутник.
Претседателот на националниот совет на Албанците Јонуз Муслиу потврдил за Спутник дека претседателот на Албанија ќе ги посети Албанците на југот на Србија, како и дека ќе има средби со албанските претставници, но не и со функционери на Белград. Муслиу вели дека целта на посетата е албанскиот претседател лично да се запознае со позицијата и статусот на Албанците на југот на Србија.
„Засега ова е само посета при која ќе се сретне со сите политички лидери на Албанците во Прешевската долина и ќе разговараме за сѐ. Ние чекаме реципроцитет во однос на Косово и Заедницата на српски општини и тука ни Европа не може да се оденсува поинаку кон Албанците отколку кон Србите на Косово. Треба да се почитуваат законите на ЕУ“ - вели Муслиу.
Муслиу за Спутник вели и дека посетата е значајна и затоа што дошло време проблемите на Албанците од Прешевската долина да дојдат во преден план и за државата Албанија.