Дали САД даде рок за решавање на косовското прашање?
Објавено во: Балкан 11 Ноември, 2017
Руската агенција Спутник пишува дека оптималниот период за завршување на дијалогот на Белград и Приштина на кој инсистираат САД е 18 месеци.
Според медиумот, потоа би требало да следи меѓународна конференција.
Приштина со благослов од Америка на адреса на европските држави проследи предлог според кој се бара Бриселскиот договор да добие временско ограничување. Како што дознаваме, во предлогот се наведува рок од 18 месеци како оптимален период за завршување на дијалогот со Белград, по кој треба да следи меѓународна конференција. Приштина веќе доби од неколку држави позитивни одговори на својот предлог, но не и од главната земја на ЕУ – Германија“, наведува Спутник.
Претседателот на српскиот Одбор за Космет, Милован Дрецун изјави дека Белград сака бриселскиот процес да биде успешен и да се решат што повеќе прашања, како и дека нема ништо против на дневниот ред да се стават и некои нови теми како враќањето на Србите, расветлување на судбината на исчезнатите, имотот и статусот на СПЦ.
Политичкиот аналитичар од Приштина Бехљуј Бецај за Спутник вели дека преговори кои немаат ограничување не водат никаде.