Дали Шведската централна банка ќе воведе олеснувања?
Објавено во: Економија 28 Октомври, 2016
Шведската централна банка „Riksbank" се воздржи од дополнителни олеснувања вчера, но изјави дека е подготвена да ја прошири програмата за откуп на обврзници следната
година, објави „Bloomberg".
Покрај тоа регулаторот сигнализира дека ќе ги задржи каматните стапки ниски подолго време во обид да ја врати инфлацијата назад кон целните нивоа.
„Riksbank" ја задржа својата основна репо камата на ниво од 0,5%, на тој начин ги оправда очекувањата.
Шведската централна банка не сака да воведува нови поволности, откако каматите се под нулата, а програмата за откуп на обврзници се очекува до крајот на годината да има апсорбирано над 40% од пазарот на државни хартии од вредност. Одлуката на ЕЦБ од претходно овој месец да не ја проширува својата програма, што исто го олесни притисокот врз шведскиот регулатор да презема дејствија. Според Роберт Бергквист, главен економист во „SEB“, коментира дека одлуката е во склад со „еден консензус помеѓу централните банки дека монетарната политика го достигнала крајот на патот“.
Главниот аналитичар на банката „Nordea“, Андреас Валстром, очекува олеснувања од страна на „Riksbank“, вклучувајќи и намалување на каматата до -0,6% во декември.
Регулаторот ги намали и прогнозите за инфлацијата во следната година од 1,8 до 1,4%, а за 2018-та година од 2,6% до 2,2%. Се очекува невработеноста да биде 6,7% во следната година. Според прогнозите, економскиот раст може да се забави до 3,3% во оваа година и до 2% догодина.