Данска стравува од мега хакерски напади од Русија
Објавено во: Свет 13 Јануари, 2017
Данскиот министер за одбрана Клаус Хјорт Фридриксен стравува од мега хакерски напади од руска страна кои може да ги парализираат нивните безбедносни но, и инфраструктурни системи и дека оваа закана е реална.
Русите може да извршат хакерски напади врз нашиот здравствен систем, да ги нападнат болниците, да креираат тотален хаос. Стравуваме и од напади врз електричната мрежа, инфраструктурата и економскиот систем, а хакерите работат со поддршка на руската влада, вели Фридриксен.
Во Русија се чудат на стравот на данскиот министер за одбрана и одбиваат да ги коментираат ваквите параноични стравови бидејќи Данска ниту им е соседна земја, ниту пак имаат некакво активно непријателство. Фридриксен посочи дека мора да се зголеми буџетот за одбрана и да се испратат поголем број на војници во мисијата на НАТО која е наменета за заштита на границите на источните земји кои се под директна закана на Русија.