Дармановиќ: Црна Гора не зависи економски од Русија. ќе преживееме и со санкции
Објавено во: Балкан 13 Мај, 2017
Црна Гора по одлуката да се зачлени во НАТО донесе огромно разочарување во Русија која вложи многу пари во туризмот и економијата, но ваквиот непријателски потег може скапо да ги чини ако се наметнат санкции и забрана за увоз на црногорски производи. Сепак, Срѓан Дармановиќ, министерот за надворешни работи на Црна Гора, посочува дека може да преживеат и брз Русија затоа што се отворена земја и не се плашат од било какви санкции.
„Југославија во 1948 година зависеше исклучиво од нив, па не умре од глад, а нема ни ние. Во економски санкции не верувам, не се плашиме од тие санкции. Ние сме отворена земја. Русите не се најголемите инвеститори во Црна Гора. Ние веруваме дека нивните граѓани имаат голем интерес да доаѓаат на море во Црна Гора. Јадранското Море е најбезбедното море што тие можат да го добијат и ние веруваме во економскиот резон, а не резонот на политички наметнати економски санкции. Мислам дека порано или подоцна ќе превладее рационален пристап. Овие санкции може да траат извесно време, но нема да дадат резултати. Се надеваме дека ќе дојде до обнова на овие односи, а меѓу останатото, кај руските туристички организации не забележавме пад во регистрирањето на туристите за оваа сезона“, рече Дармановиќ.