Давос 2017: Во трговска војна ќе нема победници, предупредува Кина
Објавено во: Економија 17 Јануари, 2017
На стартот на Светскиот економски форум во Давос, Швајцарија главното предупредување го даде кинескиот претседател Ши Жинпинг кој смета дека ако започне трговска војна меѓу Кина и САД од неа никој нема да излезе како победник, туку штети ќе претрпат сите.
Затоа тој препорачува да се ограничи државниот протекционизам, да се зголемат напорите за слободна трговија и да се придонесе во поголем економски раст и конкуренција на компаниите.
На самитот САД ја претставува актуелниот државен секретар Џон Кери кој служи на администрацијата во заминување, но предупредува дека Трамп има погрешна проценка за слабостите на американската економија и дека трговијата не е виновна за губењето на работни места.
Токму најавите на Трамп за промена на трговските договори кои тој смета дека се донесени на штета на САд може да ја подобрат економијата, но постои страв, особено кај кинезите дека вквиот потег негативно ќе влијае на меѓусебните односи.