Дебатата за буџетот започна жестоко, следува тешка собраниска битка
Објавено во: Финансии 28 Септември, 2016
Предлог буџетот влезе во собраниска процедура во комисијата за финансирање и буџет но, кратко траеше откако преставниците на ДУИ ја напуштија седница незадоволни од начинот на кој се води расправата. ДПА како и секоја година ги упати стандардните критики дека буџетот е дискриминаторски и не предвидува развој на местата во кои доминира албанско население.
„Очекуваме дека растот на економската активност следната година ќе биде придвижен од извозот на стоки и услуги, за кој проектиравме раст од 6 проценти на реална основа, кој се базира на очекувањата за извозна активност на капацитетите во слободните економски зони. Растот на извозот се очекува да биде придружен со понатамошно подобрување на неговата структура преку зголемување на учеството на производи со повисока додадена вредност“, изјави министерот за финансии, Кирил Миноски.
СДСМ упати најжестоки критики за нереалноста на досега најскапиот буџет од 3.3 милијарди долари со кој продолжува трендот на неефикасни државни трошење, а се зголемува јавниот долг. Државата ги намалува капиталните инвестициски проекти, а ја замајува јавноста со оптимизам кој е нереален бидејќи сиромашните се потешко се снаоѓаат, додека пак најбогатите кои се блиски до власта трпаат капитал и богатство.
Пратениците од владејачкото мнозинство, како и предлагачот министерот за финансии Кирил Миновски застанаа во одбрана на буџетот оценувајќи го како социјален и развоен, а и возвратија на СДСМ дека кога биле на власт воопшто не инвестирале во инфраструктурата и дека не сакаат да го прифатат фактот што државата се развива.