Дебатата за „валутната војна“ катализатор за раст на цената на златото

Добивај вести на Viber

Жестоката дебата за „валутната војна“  може да поттикне раст на цената на златото. Напорите на земјите ги обезвреднат своите валути за да го поддржат извозот  почнаа да ги менуваат односите на цените на благородните метали со девизниот пазар, со што ја зајакнуваат улога на еден вид прибежиште на инвеститорите, пишува MarketWatch. "Се движиме кон време кога валутите ќе го оценуваат злато, а златото - валутите", коментира за весникот Џулијан Филипс, основач на GoldForecaster.com. Историски гледано златото се тргува обратнопропорционално со американскиот долар, пример за тоа се и случувањата минатата недела кога цената на златото падна нагло, откако доларот зајакнаво однос на еврото и јенот. Бидејќи, сепак во моментов се обезвреднуваат различни валути, побарувачката на златото се засилува. "Треба да зачекориме во фаза во која цената на златото ќе расте", изјави Филипс. "Швајцарскиот франк и јенот како засолништа од честите промени на курсот на еврото и доларот изгубија од важност, откако владите беа принудени да ги ослабат ги натера инвеститорите да сфатат дека валутите се едно исто, но во поинаква форма", појаснува тој. Биковиот пазар на златото почна уште пред повеќе од една деценија, кога беше повторно поттикнат од олабавувањето на монатарната политика на Централните банки, пишува весникот. Во февруари 2001 година златните фјучерси се тргува околу 260 долари за унца, а во петокот затворија на ниво од околу 1.610 долари, што може и да е шестмесечно дно, но е повеќе од 6 пати во споредба со цената од пред 12 години. „Девалвација на валутите преку нерестриктивната монетарна политика е тренд кој придонесе значителен раст на златото во последните години", изјави Питер Грант, главен пазарен аналитичар во USAGold. Според него, без оглед на тоа дали таа девалвација е како резултат на „валутна војна“ или не, се чини дека ќе продолжи подолго време и ќе биде во прилог на цената на златотo.