Децата да учат, екстерното најверојатно ќе се полага
Објавено во: Македонија 24 Мај, 2017
Според актуелниот министер за образование Пиштар Љутфиу и покрај желбите на СДСМ веднаш штом ја формира владата да предложи закон за укинување на екстерното тестирање за учениците нема доволно време за да се спроведе такво нешто и сега тоа нема да биде во интерес на образовниот процес.
- Силно верувам дека новата влада нема да донесе закон против граѓаните и учениците во Македонија, затоа би апелирал учениците да се подготват за екстерно тестирање бидејќи донесувањето на законите на се случува преку ноќ, туку треба да биде во консултација и со правниот сектор со правните експерти за да донесе добар закон. Потоа законот ќе мора да помине на комисии, ќе треба во Парламент, па верувам дека ќе треба да помине извесно време по доаѓањето на новата влада. Затоа, повторно апелирам дека и покрај желбите на СДСМ да се донесе законот за укинување на екстерното тестирање, потребно е време, изјави Љутфиу.
Екстерното тестирање е предвидено да се полага од 5 до 9 јуни и веќе се подготвени сите прашања.