Дел од грчките медиуми пишуваат дека има почетна согласност за „Горна Македонија“
Објавено во: Македонија 15 Февруари, 2018
Грчката телевизија „Стар“ вчера објави дека името за кое постои почетна согласност и од двете страни е „Горна Македонија“.
„Три од седум теми во разговорите за името, веќе се затворени“; „Заев: Прифаќаме географска одредница, но не и временска“; „На половина пат преговорите за името на ПЈРМ“; „Заев за името: Не е потребна ревизија на Уставот, затворивме три од седум прашања“; „Заев: Достоинството и идентитетот нераскинливи елементи во преговорите со Грција“, oва се само дел од насловите во грчките медиуми, по изјавата на премиерот Зоран Заев вчера за преговорите.
„Запрашан кои се трите прашања што се затворени, премиерот на ПЈРМ, рече дека тие се полесните прашања, без да навлезе во детали за да не се создаде, како што рече, впечаток дека се преговара преку медиумите“- пишува грчката државна агенција АНА-МПА.
Онлајн изданието на весникот „Та Неа“ пишува дека „само неколку часа пред новата средба на министрите за надворешни работи на Грција и Скопје во Бугарија, Зоран Заев излезе со важни изјави.