ДЕНЕСКА СОНЧЕВО: Од вторник дожд и постудено време
Објавено во: Македонија 14 Септември, 2017
Времето денеска ќе биде сончево со слаб до умерен јужен ветер.
Максималните дневни температури денеска ќе бидат во Скопје до 32 Целзиусови степени, Маврово до 23, Охрид до 27, Битола до 30, Кавадарци и Дојран до 33, Берово до 27, Крива Паланка до 29 степени.
Се очекува период на сончево време со свежи утра и со постепен раст на дневната температура. За време на викендот максималните дневни температури насекаде ќе бидат над просекот за овој период од годината.
Во понеделник ќе има зголемување на облачноста, локален дожд и позначително опаѓање на температурата ќе има во вторник.