Десет ученици и возачи повредени при судир на автобус со комбе
Објавено во: Македонија 14 Ноември, 2017
Автобус утрово околу 7.30 часот се судри со комбе на патот Демир Хисар - Кичево при што десет деца се полесно повредени, а потешко повреден е еден од возачите на автобусот.
Од Клиничката болница во Битола, каде се однесени повредените, информираат дека повредените ученици по укажаната лекарска помош се пуштени дома, а возачот, кој е потешко повреден, е задржан на лекување.
Децата се пуштени дома, еден од возачите е прегледан и без некои потешки повреди е пуштен дома, додека другиот е задржан на болничко лекување на Ортопедија. Тој има фрактура на карлицата и подлив на екстремитетите, информираа од Клиничката болница во Битола.
Во автобусот се превезувале 30 ученици од основното училиште „Гоце Делчев“ од Демир Хисар.