Девизните резерви пораснале - што е со хартиите од вредност и монетарното злато?
Објавено во: Економија 09 Јануари, 2017
Девизните резерви во земјава бележат раст.
Девизните резерви на крајот на 2016 година изнесуваа 2.613.400.000 евра, покажуваат
податоците на Народната банка на Република Македонија.
Еден месец претходно државните девизни резерви беа на ниво од 2.551.400.000 евра или 62 милиони евра помалку во однос на декември. Во однос на истиот период претходната година, девизните резерви се повисоки за 351,6 милиони евра.
На крајот на минатата година хартиите од вредност достигнаа 2.101.400.000 евра, што е 46,3 милиони евра помалку во однос на ноември. На крајот на 2015 година, вкупните хартии од вредност беа на ниво од 1.758.900.000 евра. На сметката на валути и депозити заклучно со 31 декември лани се прокнижени 264.100.000 евра.
Вредноста на монетарното злато на 31 декември 2016 година беше 243.200.000 евра. Тоа е за 5,1 милиони евра помалку во однос на претходниот месец. На крајот на декември 2015 година, монетарното злато беше на ниво од 212.800.000 евра.
На крајот од 2015 година е регистрирана најниска вредност на монетарното злато во споредба со вредноста во текот на целата година, но и во споредба со 2014 година, кога резервите во злато изнесуваа 215,6 милиони евра.