Девојка пронајдена мртва во Куманово, се води истрага
Објавено во: Македонија 06 Јули, 2017
Полицијата информираше дека во текот на вчерашниот ден во 13 часот и 20 минути во Куманово на улицата „Браќа Филиповиќ“, во куќата на 28-годишниот Ф.И. била пронајдена почината неговата девојка.
Се работи за 27-годишната М.К. од Куманово, за која за жал Брзата помош можела само да констатира смрт.
На телото на девојката немало траги на насилство.
Увид на местото на настанот извршила увидна екипа од СВР-Куманово. По наредба на Јавен обвинител телото на починатата било предадено во Институтот за судска медицина за обдукција.