Дијаспората мобилизирана против Заев, напади како во хор

Добивај вести на Viber

Голем број на здруженија на иселениците се мобилизираат и се вклучуваат во политичкиот притисок врз лидерот на опозицијата Зоран Заев кој наводно ќе воведе двојазичност на целата територија на Република Македонија. 

Мирни протести се организираат низ Австралија, Европа и Северна Америка со пораки дека не треба да се тргува со националните интереси на Македонија. Здруженијата во голема мера се еден вид на задгранични комитети на ВМРО-ДПМНЕ и сосема видлива е партиската кореографија во нивните штабови и седишта. 

- Ние Македонците кои работиме и живееме во Швајцарија, сакаме да укажеме на бесмисленоста на предлогот, размислувањата и  изјавата на господинот Зоран Заев по однос на неговите повик за решавање прашањето за  повеќе јазичноста во Република Македонија. ДУИ ја поздрави ијавата на Зорана Заев  и потсети дека има потреба од употреба на албанскиот јазик на цела територија во Република Македонија. Ние како Македонска зедница во Швајцарија  укажуваме дека сме зачудени и затекнати од конфузната изјава, исто како што се заткна и целиот македонски народ ,  па по реакците на ДУИ очигледн дека и од предлогот се затекнати и македонците од албанската етничка заедница, се вели во реакцијата на македонската заедница од Швајцарија.

Ова не е прв пат „иселениците“ да го нападнат Заев и СДСМ и се активираат по речиси сите спорни моменти, како што беше по нападите во Куманово и црната кампања која се водеше тогаш за наводна поддршка на терористите.