Димитриев во СЈО за финансирањето на ВМРО ДПМНЕ: Прво бара да ги види доказите, потоа ќе дава исказ
Објавено во: Македонија 09 Јуни, 2017
Поранешниот технички премиер Eмил Димитриев кој е помеѓу осомничените во случајот Талир на СЈО денеска одби да даде исказ пред специјалните јавни обвинители.
Димитриев прво побарал увид во доказите, па откако ќе ги види ќе се произнесе.
Тој не сакаше да ги коментира наводите од истрагата на СЈО во случајот „Талир“ за нелегално финансирање на ВМРО-ДПМНЕ.
Прв одсомничен во случајот Талир е лидерот на ВМРО ДПМНЕ Никола Груевски.
Освен претседателот на ВМРО-ДПМНЕ Никола Груевски, се наоѓаат и повеќе високи функционери од партијата од кои најголем број се членови на Извршниот комитет.
Осомничен за овој случај е и Мартин Протоѓер, член на Извршниот комитет на партијата и поранешен генерален секретар. Осомничени се и Емил Димитриев и Кирил Божиновски, како генерални секретари на партијата. Голем дел од членовите на Извршниот комитет на партијата се наоѓаат на тапет на СЈО поради сомнеж дека дозволиле партијата да се финансира на незаконски начин. Тука се и Илија Димовски, поранешниот министер за транспорт Миле Јанакиески, Даниела Рангелова, како и Иво Котевски и Александар Бичиклиски од Центарот за комуникации на ВМРО-ДПМНЕ.