Димовски: Да одбереме претседател на Собрание кој ќе распише нови избори
Објавено во: Македонија 29 Март, 2017
Илија Димовски, пратеник од редовите на ВМРО-ДПМНЕ и предлог за претседател на комисијата за избори и именување побара да се одбере нов претседател на Собранието со цел тој потоа да побара распуштање на истото и распишување на нови парламентарни избори.
Од овој потег се гледа намерата на ВМРО-ДПМНЕ за блокирање на конститутивната седница со бескрајните меѓусебни реплики и контра-реплики да не дозволи Собранието да заврши со процедурата на конституирање и да оди на чекор на гласање за нова влада барајќи го мандатот од претседателот Иванов.
Исто така ВМРО-ДПМНЕ покажува и дека нивниот „Патоказ“ кој го понудија до останатите партии нема никаква тежина бидејќи е празно слово на хартија и дека единствено сакаат процесите да се одложат за да дојде до нови избори. Секако, немаат одговор како потоа ќе се справат со идентичните барања на албанските партии срочени во нивната платформа.