Димовски до СДСМ: Никогаш нема да имате легитимитет
Објавено во: Македонија 25 Април, 2017
Пратеникот на ВМРО-ДПМНЕ, Илија Димовски денеска во Собранието изјави дека СДСМ нема да имаат легитимитет.
Димовски вели дека тие немаат проблем да одат во опозиција, но народот одбрал тие да се прва, а СДСМ втора партија.
Тој смета дека местото на СДСМ и коалицијата било во опозиција, а со пост изборна манипулација сакале да дојдат на власт.
„Како губитничка партија, граѓаните не одлучија вие да сте победници. Никогаш нема да имате легитимитет, бидејќи изгубивте во 80% од општините“ - кажа Димовски.
На седницата се зборуваше и за тоа како се спроведува Рамковниот договор во Тетово и дека Македонците во овој град се соочуваат со проблеми.
Ова е 18-то продолжение на конститутивната седница.