Димовски: Господинот Талат Џафери што побрзо да свика седница за договорот со Бугарија
Објавено во: Македонија 28 Јули, 2017
Пратеникот Илија Димовски и координатор на една од десетте пратенички групи на ВМРО-ДПМНЕ го потсети како што вели „господинот“ Талат Џафери во најбрз можен рок да свика седница во согласно со деловникот и во согласно со барањето од најмалку 20 пратеници, а во врска со најавениот договор со соседна Република Бугарија.
- Воедно сакам да потсетам во текот на вчерашниот ден пред потпишување на договорот бугарското собрание имаше можност да го разгледа договорот и да даде препорака односно да гласа и да и даде насока на нивната Влада како да постапи. Сметаме дека добрососедството со Бугарија е од стратешко значење за Република Македонија и затоа одговорноста во овој процес треба да биде споделена и заедничка. Сметаме дека договор треба да се склучи но во него да бидат склучени забелешките кои што ние во постапка кога дебатата беше затворена за јавноста но и сега ги даваме препораките до Владата на Република Македонија. Затоа е важна ваквата итна седница да се случи пред најавеното потпишување на договорот бидејќи после тоа се губи смислата на одржување на итна седница и Собранието треба да има можност да влијае на квалитетот на договорот со соседна Бугарија, вели Димовски.
Илија Димовски исто така посочи дека ВМР0-ДПМНЕ има подготвено 8 предлог закони за повеќе јавни области и институции меѓу кои и јавното обвинителство, како и за покачување на платите во администрацијата и здравството, но истите се целосно блокирани од СДСМ која не прифаќа ниту еден амандман од опозицијата.