28 Март, 2024
0.0246

Голема директорска чистка во ЕЛЕМ !

Објавено во: Економија 04 Февруари, 2014

Добивај вести на Viber

Од директорските фотелји во ЕЛЕМ си заминуваат Димитар Танурков, Јасна Иванова Давидовиќ, Коста Папастеревски и Славица Бесова, сите секторски директори, луѓе кои важеа за блиски на поранешниот генерален директор Влатко Чингоски. ЕЛЕМ го стресе директорска чистка, дознава Фактор од извори меѓу енергетските компании. По налог на Владата, четворица секторски директори кои на позициите беа откако ВМРО-ДПМНЕ дојде на власт сега се разрешени. Од директоските фотелји во ЕЛЕМ си заминуваат Димитар Танурков, директор за производство, Јасна Иванова Давидовиќ, директор за развој и инвестиции, Коста Папастеревски, комерцијален директор и Славица Бесова, финанскиски директор во ЕЛЕМ, луѓе кои важеа за блиски на поранешниот генерален директор Влатко Чингоски.
(Една година подоцна – судбината на екс директорот на ЕЛЕМ, Влатко Чингоски ги снајде и неговите најблиски соработници Јасна Иванова Давидовиќ и Димитар Танурков.)
 
Чистката ги фати и некогашните луѓе од доверба на Чингоски?! Oд ЕЛЕМ ја потврдија информацијата на Фактор, но јавно не сакаат да ја коментираат. Се повикаа само на нивната објавена одлука дека “на последната седница на Надзорниот одбор на АД Електрани на Македонија одржана на 31 јануари именувани се четири нови членови на Управниот одбор на АД ЕЛЕМ. За директор на секторот производство е назначен  Благоја Деспотоски дипломиран електро инженер кој доаѓа на местото на Танурков.  Со секторот за развој и инвестиции  ќе  раководи Александар Пауноски, магистер по електро-технички науки, кој доаѓа  на позицијата на Јасна Иванова Давидовиќ.  За нов член на Управниот одбор и директорка за комерцијални работи е Анита Стамнова, магистер по економски науки, која ќе го замени досегашниот директор  Коста Папастеревски.  Во  секторот за финансии, на местото на досегашната директорка Славица Бесова  е именувана Гордана Димитриеска - Кочоска, дипломиран економист“. Според неофицијалните информации до кои дојде Фактор на разрешените Танурков, Папастеревски, Давидовиќ и Бесова им било понудено да останат во ЕЛЕМ, но на други позиции. Најновите случувања во ЕЛЕМ не ги коментира ниту разрешениот Димитар Танурков. Фактор иако се обиде, не доби одговор од разрешените директори дали нивното заминување и вакуумот на примопредавање на функциите ќе одолговлечи некои од веќе започнатите активности во ЕЛЕМ. Директорската чистка во ЕЛЕМ не била инцидентна Очекувана – вака директорската чистка во ЕЛЕМ за Фактор ја објаснуваат владини извори. “Именувањето на нови членови на УО на ЕЛЕМ  беше прашање на време, беше очекувано, бидејќи Владата уште минатата година објави оглас за ангажирање на високи државни раководни функции“, кусо објаснија владини извори за Фактор. Од ЕЛЕМ јавно не коментираат што ова ќе значи за тековните и идните проекти на државната енергетска компанија. Нема коментар ниту дали одговорните позиции во вака големи и значајни државни компании навистина треба да се бараат и се производ на распишаниот оглас на Владата. (?!) По минатогодишниот „Бран на свежина“, во кој се разрешија околу 150 функционери на владејачката ВМРО–ДПМНЕ, последниот оглас на Владата, за експертите овде не станува збор за оглас за вработување! “Ваков “оглас за пројавување интерес“ како категорија не постои во Законот за работни односи, и со тоа, не обврзува Владата да одговори на пројавениот интерес од страна на кандидатите. Иако станува збор за легална иницијатива, која не повредува ниту еден Закон, ова е анкетирање, а не оглас преку кој Владата сака да ангажира нови кадри.Но, ако ова е првиот чекор кон потранспарентен избор на јавни функционери, тогаш следен чекор што треба да се превземе е да се смени Законот за јавни претпријатија и членовите на управните одбори и директорите да се бираат на јавен оглас, смета професор по административно право на еден од универзитетите во земјава. Екс градоначалникот на Кичево сега ќе директорува во ЕЛЕМ! Благоја Деспотоски Ташко, поренешниот градоначалник на Кичево од ВМРО-ДПМНЕ, зад кој на последните локални избори застана и СДСМ е новиот директор за производство на Државните електрани. Во периодот од 1999-2002 година Деспотоски е беше генерален директор на РЕК Осломеј. Александар Пауноски пак, на директорската фотеља за развој и инвестиции во ЕЛЕМ доаѓа од позицијата раководител на секторот за стратешко планирање и анализи на системи во државната енергетска компанија МЕПСО.  Новата директорка за финасии во ЕЛЕМ, Гордана Димитриеска-Кочоска, доаѓа од раководна позиција во Стопанска банка. Името на новата директорка за комерцијални работи во ЕЛЕМ, Анита Стамнова коинцидира идентично со поранешната заменик – директорка на Државниот завод за статистика, Анита Стамнова. Но, кои се професионалните квалитети и досегашното искуство на новата директорска четворка во ЕЛЕМ допрва ќе треба да објават во Државните Електрани. К.П

Можеби ќе ве интересира

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра