Дизајнерот Таневски на Mercedes-Benz: „Електровозилото на иднината е секси“
Објавено во: Мои пари 12 Септември, 2017
Македонскиот дизајнер Славче Таневски со нов, досега втор Mercedes-Benz автомобил целосно дизајниран од негова страна,именуван како Concept EQA.
Овој модел денеска имаше светска премиера на саемот во Франкфурт, за што македонскиот дизајнер Славче Таневски, со детали за сопствената креација.
„Многу е возбудливо и предизвикувачки кога се наоѓате пред голема промена. Токму таква промена се случува во автоиндустријата. Начинот на користење на возилата, car sharing, автономно возење, електро погон...Предизвици кои бараат нова концептуална интерпретација на автомобилот, како и формална, естетска трансформација.
Дали автомобилот се уште треба да биде скулптура која буди емоции и привлекува или е само обичен секојдневен предмет на користење?
Овие прашања ми беа поставени точно пред 9 месеци. Одговорот го дадов во форма на Concept EQA. Почнав буквално од празен лист хартија. Тоа не се случува често. Сонот да го пренесете на хартија и тој да биде реализиран без никакви компромиси.
Електровозилото на иднината е секси. Има привлечна и моќна појава на патот. Стои самоуверено и стабилно на 20 инчни тркала. Формата е излиена од мазно скулптуриран (seamless) волумен, како кај летечка чинија. Формалните елементи се редуцирани. Маската и фаровите се слеани во една единица (black panel), со дополнителна димензија-дигитализирани.
Истото се случува и со капакот на моторот, ветробранското стакло, задното стакло и задните светла, поврзани меѓу себе со цел гаџет-модерен high tech изглед. Сето тоа спакувано во компактна и спортска силуета“.