ДОБРО ЗАРАБОТИЛ: Го купил за 17, а го продаде за 653.740 евра
Објавено во: Стил 23 Февруари, 2018
Британски колекционер на аукција продаде чајник за 650.000 евра.
Чајникот со скршена дршка и без капак e купен на друга аукција во 2016 година, а тогаш на купувачот му било соопштено дека е направен меѓу 1776 и 1800 година во грофовијата Мидлсекс.
Kолекционерот тогаш платил само 15 фунти (околу 17 евра) за чајникот. Купувачот, кој се занимавал триесетина години со проучување керамика, претпоставил дека чајникот е изработен во познатата работилница „Ајлворт“ и така можел да ја процени неговата реална вредност.
Експертот од аукциската куќа „Вули и Волис“, откако му бил покажан чајникот, утврдил дека е изработен од Џон Бартлем, а неговите производи се многу ретки на пазарот.
Досега се пронајдени само шест порцелански предмети изработени од Бартлем, па затоа и овој чајник достигна огромна цена од 575.000фунти, односно 653.740 евра.