Доброволци со огромни напори спречија да се запали Трескавец
Објавено во: Македонија 12 Август, 2017
Напорите на голем број на доброволци кои се впуштија во акција за гасење на пожарот околу манастирот Трескавец во Прилеп вродија со плод и огнената стихија е ставена под контрола, па барем засега е избегната поголема опасност.
Затоа Општина Прилеп, Советот при општината, Кризниот штаб и Територијалната противпожарна единица Прилеп, упатуваат огромна благодарност до сите граѓани добронамерници, кои во изминатите денови несебично се приклучија во гаснењето на силниот пожар кај манастирот Трескавец, и го спасија вековното светилиште на градот од повторно опожарување.
Пожарот околу манастирот избувна во средата, а веќе вечерта опасно се закануваше и се ширеше кон манастирот, кој е изграден во 14 век, а на неколку наврати целосно изгорел.
Постојат сомнежи дека пожарот зад себе остави голем пустош е подметнат па се бара од надлежните служби да го пронајдат сторителот.