28 Мај, 2017
0.0729

Додека се крчка новата влада, старата потпишува договори за изградба на новиот Клинички центар

Објавено во: Економија 19 Мај, 2017

И додека новиот мандатар ги склопува коцките за состав на новата Владата, старата потпишува нови договори.

Според најавите денеска треба да биде потпишан договорот за изградба на новиот Клинички центар „Мајка Тереза“ – Скопје.

На потпишувањето ќе присуствува актуелниот премиер на техничката влада Емил Димитриев а најверојатно потписот на договорот ќе го стави министерот за здравство во заминување Никола Тодоров.

СДСМ најави дека ќе го испитува овој милионски потег бидејќи тендерот на Тодоров им бил сомнителен.

„Да сакаа Тодоров и Никола Груевски да биде изграден новиот клинички центар, немаше да ги излажат граѓаните и ќе го реализираа даденото ветување од 2012 година. Клиничкиот центар во Скопје требаше да биде готов до 2 јануари 2017 година! Денеска е 23 април 2017 година, а од новиот клинички центар сè уште ги има само тарабите покрај кои се шетаа Тодоров и Груевски пред три години. Вистинската причина зошто нема нов клинички центар досега, се неодговорните политики на Тодоров, за кого беа поважни „Ивонче милионче тендери“, наместо вистинска заштита на здравјето на граѓаните“, се наведуваше во соопштението на социјалдемократите пред еден месец.

Од партијата истакнаа дека новата влада ќе изгради нов клинички центар, како што е предвидено во програмата за работа на новата влада.

Апели новиот клинички да почека подобри времиња

Да се стопира проектот за изградба на нов клинички центар и да се почека новата влада, советуваше поранешниот прв човек во здравството Имер Селмани, неодамна за Телма. 

Според него, изградбата на кампусот во овој момент не е ниту политички, ниту законски оправдана, а упорното туркање на проектот со право фрла сомнеж врз намерите на политичарите. Инсистирањето по секоја цена изградбата да стартува во јуни креира впечаток во јавноста дека во позадина се крие нешто друго, потенцираше Селмани.

„Граѓаните со право се сомневаат зошто толку брзање во моментот кога имаме техничка влада со сомнителен кредибилитет, бидејќи пола влада се и пратеници во исто време, обавуваат две функции со закон и пратеници и министри... Најпаметно е, згора на тоа што не е соодветно политички и законски, нема да биде ниту кјорисно за граѓаните да се почне сега набрзина со таков проект за кој идната влада можеби ќедонесе одлука да биде сместен надвор од централното градско подрачје“, изјавил Селмани неодамна за Телма.

Можеби ќе ве интересира

Пензиска бомба за 400 трилиони долари темпирана во големите економии

Пензиска бомба за 400 трилиони долари темпирана во големите економии

Силекс АД Кратово за три месеци изгуби половина милион евра

Силекс АД Кратово за три месеци изгуби половина милион евра

PepsiCo преговара: Сака да ја купи кокосовата вода Vita Coco

PepsiCo преговара: Сака да ја купи кокосовата вода Vita Coco

Груевски им ја честита на Велешани новата фабрика за текстил а за платата молк

Груевски им ја честита на Велешани новата фабрика за текстил а за платата молк

Десет знаци дека се гушите во долгови

Десет знаци дека се гушите во долгови

ВНИМАВАЈТЕ: Лажни банкноти од 500 евра кружат во Скопје

ВНИМАВАЈТЕ: Лажни банкноти од 500 евра кружат во Скопје

РАБОТА ЗА СТУДЕНТИ: За 20 дена заработуваат за одмор на море

РАБОТА ЗА СТУДЕНТИ: За 20 дена заработуваат за одмор на море

Ова се очекувањата на Русија за цената на нафтата

Ова се очекувањата на Русија за цената на нафтата

ЏЕК МА прави нова компанија: Во што милијардерот ќе вложи нова тура милијарди?

ЏЕК МА прави нова компанија: Во што милијардерот ќе вложи нова тура милијарди?