Дојранчани над 50% излегле на референдум, се чекаат конечни резултати
Објавено во: Македонија 23 Јули, 2017
Граѓаните на Дојран според првичните резултати одржале успешен референдум бидејќи излезноста е нешто над 50%, па сега ќе се чека пребројување на гласовите и да се види каков е исходот од изјаснувањето за или против нови рудници меѓу кои и тој во Казандол.
Веста ја потврдија од граѓанската иницијатива „Стоп за рудници во југоистокот“ иако Општинската изборна комисија не прецизираше дали е исполнет законскиот цензус 50 одсто плус еден од евидентираните 2747 грагани со право на глас во општина Дојран.
Дојранчани што ги анкетираше Телевизија 24 денска тврдат дека референдумот бил единствнениот начин надлежните да го слушнат нивното мислење дали во нивната општина е потребна тешка и загадувачка индустрија.
Референдумот за или против рудници во Дојран е трет во југоистокот. Во април гевгеличани масовно се изјаснија против отварање рударски капацитети откако дознаа дека на Кожув се планира рудник за злато.
И жителите на Богданци кажаа не за отварање рудници кои побараа и стопирање на изградбата на рудникот Казандол за кој валандовчани ќе се изјаснуваат на 20 ти идниот месец.