Донација на Срѓан Керим за болницата „Аџибадем Систина“
Објавено во: Мои пари 14 Јануари, 2013
Хирушки инструменти за минимално инвазивни кардиохирушки интервенции вредни 860 илјади денари денеска беа донирани на Клиничката болница „Аџибадем Систина“.
Донацијата „Олга и Асан Керим“ како благодарност до целиот стручен тим на болницата ја предаде Срџан Керим, претседател на Управниот одбор на Медиа Принт Македонија.Извршниот директор на Клиничката болница „Аџибадем Систина“, Јордан Камчев се заблагодари за донацијата посочувајќи дека донираните инстументи се од особено значење за кардиохирургијата и ќе овозможат услови за непречено избедување на минимално онвазивните кардиохирушки операции.
„Крајниот бенефит од ваквото добро дело на господинот Керим ќе го почувствуваат нашите пациенти кои се во фокусот на се што работиме и создаваме. Сведоци сме на уште едно добро дело кое ќе претставува достоинствен пример за тоа како треба да се негуваат принципите на општествена орговорност кон заедницата“, рече Камчев.
Керим истакна дека кога лани починала неговата мајка дознал дека поседувала 860 илјади денари на штедна книшка кои тој сега ги донира за Клиничката болница „Аџибадем Систина“.