21 Ноември, 2017
0.5152
    ADIN 540    -1.82%     ALK 7350    -0.51%     BESK 10300    0%     CEVI 912    0%     FERS 57750    -2.94%     GRNT 801    -2.95%     KJUBI 1400    -2.78%     KMB 2700    0%     LOTO 600    0%     MPT 26900    -0.37%     MTUR 4224    3%     OHB 4851.54    -0.17%     REPL 54800    0.37%     RMDEN11 96    -0.62%     RMDEN13 96.4    1.47%     RMDEN15 95    0.05%     STBP 600    -0.17%     TETE 1938    4.76%     TNB 13500    -0.01%     TTK 816    0.38%     UNI 1905    0%     ZPKO 2600    -2%

Дознајте во што сте најдобри и искористете го тоа да заработите

Објавено во: Финансии 14 Мај, 2017

Наоѓањето на нашите природни таленти може да биде доста тешко да се направи. Токму поради ова постојат луѓе експерти кои се бават со откривање на талентите на други луѓе и особено начини како да се дојде до нив. Еден од нив еДаг Вилкс (Doug Wilks), истражувач на таленти и основач на StrengthsLauncher, кој нуди три клучни начини преку кои може да ги откриете вашите таленти.

Се надевам дека истите ќе ви бидат доволно интересни и ќе ви помогнат во потрагата по вашите таленти кои реално секој од нас ги поседува. 

1. Што ве воодушевувало како дете?

Земете две минути и потсетете се на вашите највесели спомени од основно училиште и дајте си одговор на прашањето: Што ги направило тие моменти толку пријатни? Кои биле заедничките нишки?

На пример, дали сте биле високо компетитивни на девет годишна возраст? Можеби сте сакале фудбал и не сте можеле да го дочекате одморот секој ден. Сте живееле за тоа. Сте го негувале тој момент кога сте можеле да излезете на теренот за фудбал и да почнете да се натпреварувате.

Или, можеби сте уживале да работите на големи, конкурентни, тимски ориентирани проекти? Вашите пријатели сакале кога сте биле во нивната група. Сте имале талент да ја истуркате оценката на целиот тим од 4-ка на 5-ка. Сте се насладувале на овие можности. Биловоодушевувачки.

Понатаму, како што размислувате за овие спомени од детството, размислете и кои слични активности ве воодушевуваат, како возрасни. Зошто? Зошто можеби сеуште сте високо компетитивни, но сега се натпреварувате за да освоите нови бизнис потфати за вашата компанија или можеби сеуште сакате комплексни, стратешки проекти, но сега го правите тоа за меѓународна консултантска фирма.

Се поставува прашањето, зошто правиме одредени избори и уживаме во одредени активности? Зошто сме подобри во некои работи од други?

Во поглед на ова прашање Вилкс зборува за "тема на таленти" (talent theme) која, како што вели тој, претставува природно повторувачка шема на мисли, чувства или однесување кое може да биде продуктивно применето.

Понатаму како што вели Вилкс, разбирањето на вашите уникатни таленти ви дава одговор  на овие прашања. Вашите уникатни таленти ви покажуваат зошто правите одредени избори, уживате во одредени активности и сте подобри во некои работи од други. Додава и дека  шансите се 1 наспроти 33 милиони да ги имате истите топ пет талент теми како некоја друга личност!

Заклучокот е да се разбере дека она што ве воодушевувало додека сте биле ученик и она што ве воодушевува како возрасни, се всушност многу слични нешта. Само што вашите талент теми ги користите во различни средини.

Или со други зборови, кои работни задачи денес најмоногу ве потсетуваат на радоста што сте ја осетиле пред 20 или 30 години?

Најдете начин како вашата работа денес да ја померите кон она што вчера ве воодушевувало. Училишните спомени се моќни приказни кои откриваат кои се вашите таленти и како правилно да ги искористите.

2. Што ве тера да изгубите осет за време?

Замислете го следново: Сабота 09:00 часот наутро. Слободни сте, без буквално никакви обврски. Имате нколку слободни часови на вашиот календар.

Ја започнувате вашата омилена активност. Можеби свирите гитара, трчате, ја средувате градината или пишувате роман. Или пак можеби нешто кодирате.

Оваа активност, без разлика кога ја правите, ве повлекува како правосмукалка. Вашиот ум, тело и интуиција почнуваат да работат во совршена симетрија. Го губите осетот за време. Пред да знаете, стигнало 12:30 часот, а вие сеуште не сте ни помислиле да јадете.

Што ако вашата работа е исто толку исполнувачка како и вашиот саботен утрински проект? Дали е воопшто можно да се фати и да се употреби таа магија?

Вилкс вели "да" - обрнете многу блиско внимание на ваквите моменти. Ако сте толку запленети од некоја активност што ќе го изгубите осетот за време, вие искусувате еден од главните симптоми на проток (анг: flow).

И доколку искусувате било која количина на проток на еден проект, вие исто така,  најверојатно, искористувате еден или повеќе од вашите природни таленти.

3. Што копнеете да правите?

Третиот клучен момент, Вилкс го почнува на следниов начин: Кој оган гори во вашата внатрешност во овој момент?

Никогаш во историјата на човекот, немало полесно време отколку сега, да започнете со исполнувањето на вашата животна мисија.

Дали сакате да блогирате? Кул. Започнете блог.

Знаете како да плетете? Супер. Направете неколку екстра марами и почнете да ги продавате.

Дали дури и самата помисла на запознавање и поврзување со нови луѓе ве испраќа во состојба на преголема среќа? Одлично. Лансирајте место за состаноци за локалните директори во вашиот град.

Уживате во трите работи? Уште подобро. Започнете месечно состанување за блогери кои се експерти за изработка на шалови.

Во совршен свет, секој ќе ги користи своите предности на работа, секој ден. За жал, тоа не е случај со повеќето луѓе. Всушност, има податок кој вели дека 63% од работниците во целиот свет не се ангажирани во нивната работа. Ова не ги вклучува оние 24% кои се активно неангажирани.

Иако постојат повеќе причини за ваквата состојба, еден од клучните фактори е што повеќето работници не ги користат нивните природни таленти на работа, на дневна основа.

Размислете. Во природата орлите можат да летаат помеѓу 120 и 200 километри на ден. Дивите слонови можа да скитаат наоколу и до 80 километри на ден. Ако тој орел или слон се заклучени во кафез, тие нема да живеат онака како што биле направени за да живеат. Во таков случај тие се натискани, загушени и заробени.

Слично на ова, милиони работници не се во можност да го прават она за кое се створени,  на дневна основа.

Или со други зборови: Што е тоа по кое копнеете?

Ако се најдете на место каде што не ги користите вашите квалификации или таленти, осознавањето на тоа, може да биде болно и непријатно. За среќа, животот е патување, а не еден изолиран ден.

Најдете, барем еден мал начин, да почнете повторно да освојувате некои од радостите кои сте ги осетиле кога сте биле помлади. Изгубете се во омилената активност, изгубете осет  за време во сабота наутро. Размислете добро за тоа што копнеете да правите и почнете да го правите.

Можеби ќе ве интересира

Тој е најмладиот милијардер на светот кој сам го стекнал богатството

Тој е најмладиот милијардер на светот кој сам го стекнал богатството

Правило од 5 минути што ќе ги направи вашите колегијални состаноци попродуктивни

Правило од 5 минути што ќе ги направи вашите колегијални состаноци попродуктивни

Сигурната плата ја заменила со бизнис од соништата

Сигурната плата ја заменила со бизнис од соништата

Завршен настан од твининг проектот на министерството за финансии

Завршен настан од твининг проектот на министерството за финансии

ШТО СМИСЛИ СЕГА СОРОС: Продава едни, купува други акции

ШТО СМИСЛИ СЕГА СОРОС: Продава едни, купува други акции

Соништата на Маск паднаа во вода: Белата куќа го блокира проектот на векот

Соништата на Маск паднаа во вода: Белата куќа го блокира проектот на векот

Зошто „ФЕНИ“ не е на листата на најголеми должници на УЈП објавена пред 5 дена?

Зошто „ФЕНИ“ не е на листата на најголеми должници на УЈП објавена пред 5 дена?

КУПУВАЈ ЕВТИНО, ПРОДАВАЈ СКАПО: Книговодител заработува милиони

КУПУВАЈ ЕВТИНО, ПРОДАВАЈ СКАПО: Книговодител заработува милиони

3 знаци дека всушност се плашите од успех

3 знаци дека всушност се плашите од успех