ДУИ не се пишмани - Потписи за СДСМ со надеж за нова влада
Објавено во: Македонија 26 Април, 2017
Наспроти шпекулативните вести на повеќе медиуми дека постои незадоволство во ДУИ поради ретерирањето на Зоран Заев за одредени точки од Албанската декларација, интегративците посочуваат дека не се „пишманиле“ и дека и натаму стојат со своите потписи зад новото парламентарно мнозинство.
- Оваа одлука не е индивидуална определба на поединечен член на ДУИ, туку е колективна партиска одлука и реализација на албанските очекувања на изборите. Затоа, со огорченост ја демантираме оваа измислица како тенденциозна и сосема неточна информација. Парламентарно мнозинство во овој состав нема да има без ДУИ, и ДУИ останува темел на духот на реформите, интеграцијата и еднаквоста во согласност со Охридскиот договор,се вели во соопштението.
Главна определба на ДУИ и натаму е да се избере Талат Џафери за нов претседател на Собранието, а потоа да се гласа и за новата реформска влада заедно со СДСМ.