ДУИ разочарани од БЕСА која ги разединувала Албанците
Објавено во: Македонија 16 Септември, 2017
ДУИ денеска ги повика гласачите да не станат жртва на, како што вели, секакви тенденции за поделба и дефакторизација, туку да застанат зад достоинствените кандидати за градоначалници на општини кои ќе се стават во нивна служба секој ден и за секоја потреба.
„Денес, Движењето Беса и Билал Касами заедно со експонатите на оваа партија уште еднаш се ставија во служба на анти-националните сили, работејќи против единствениот албански кандидат во Општина Кичево, г. Фатмир Дехари, неподдржувајќи го него“, наведува ДУИ во реакцијата.
ДУИ додава дека ова се случува откако БЕСА „поттикнала историска поделба на албанскиот глас на 11-ти декември и губење на повеќе од девет албански пратеници, не гласала за првиот претседател Албанец на Собранието на Република Македонија г. Талат Џафери, поттикнувала насилство во Собранието преку погрешно пеење на националната химна за да ги провоцира македонските демонстранти, го напуштила Собранието на 27 април, не гласала за разрешување на државниот јавен обвинител, не гласала за ставање на дневен ред на законот за јазиците, одбила да седне и да се договори со другите албански политички партии и ја одбила заедничката декларација на албанските партии“.
Сепак, од ДУИ не ги гледаат новите трендови кај албанските гласачи кои се незадоволни од нивната досегашна политика продолжувајќи да кандидираат стари кадри кои не донесоа никакви промени за граѓаните. Токму затоа и БЕСА има легитимно право да истрча со свој кандидат во Кичево или било која друга општина каде смета дека може да донесе промени.
Исто така ова обвинување е задучувачко бидејќи ДУИ и БЕСА договорија заеднички настап за советите на повеќе општини.