Џек Ма: Трамп? Може да биде катастрофа!

Добивај вести на Viber

Доналд Трамп ќе мора да работи со Кина, во спротивно ризикуваме „катастрофа“, предупреди Џек Ма, сопственик на Алибаба.

Според неговите зборови, здрав и позитивен однос помеѓу првите две светски економии би можел да реши многу проблеми.

„Но, ако тие не соработуваат, тоа ќе биде катастрофа“, рекол Ма.

Ма вели дека се надева оти Трамп нема да ги оствари своите закани кои ги изнесуваше во текот на кампањата, а кои беа упатени за Кина.

Да потсетиме, Трамп во своите говори имаше негативни коментари на сметка на Кина тврдејќи дека земјата „лукаво“ ги краде американските бизниси. Вети дека ќе воведе драконски царини на кинеската стока и дека Американците ќе ги вратат „сите бизниси кои Кинезите им ги украдоа“.

Ма кој е еден од најбогатите луѓе во светот вели дека постои јасна разлика во реториката во кампањата и реалноста на работата која ја извршува претседателот на САД. 

Потсетува дека Трамп не бил првиот кандидат кој се заканувал во текот на кампањата.

„Кога стане претседател, кога го понесе тој терет...светот не функционира толку едноставно, како што можеби изгледа“, вели тој.

Тој е паметен човек, ќе се прилагоди. Никогаш нема да го занемари односот помеѓу Америка и Кина“, мисли Ма.