ЏЕК МА ВО ДАВОС: Зошто Американците им се лути на своите компании?!

Добивај вести на Viber

Еден од гостите на вториот ден на Светскиот економски форум во Давос бил Џек Ма, основач на Алибаба, кој во многу интересно интервју говорел за глобализацијата, посебно за американскиот однос кон неа.

„Американските интернационални компании направиле милиони и милиони долари од глобализацијата, но тоа богатство, никогаш не било чесно распоредено, што ја објаснува и лутината која ја чуствува американскиот народ“, рекол Ма и додал дека мислењето дека дргугите земји ги „крадат американските бизниси“ односно американски стратегии, постои бидејќи тие не ги „дистрибуираат парите на вистински начин“.

Ма смета дека наместо бариерата кога е во прашање трговијата, САД треба да работат на реформирање на глобализацијата.

„Верувам дека глобализацијата е добра, но мора да биде подобрена. Таа треба да биде инклузивна глобализација“, рекол Ма, бидејќи како вели, во последните 30 години американските компании заработиле огромни пари, а проблемот е во тоа каде отишле тие пари.

 „Кога слушам за Америка, само ја слушам Силиконската долина и Волстрит. Парите одат во Волстрит. И тогаш се случи финансиската криза во 2008 година, и голем дел од тие пари едноставно исчезна“, вели кинескиот бизнисмен кој додава дека компаниите би требало да вложат во својот народ и да го поправат и нивниот живот.

Тој исто така рекол дека како Кинез е горд на зборовите на кинексиот претседател кој најави дека Кина во следните 10 години ќе се преориентира од извоз на увоз, а според зборовите на Џек Ма, тоа ќе биде голема промена како за Кина така и за светот ако се случи.